કમલભોગ

09 Nov કમલભોગ

બંગાળી કમલભોગ:

1. સૌ પ્રથમ પનીરને બરાબર મસળીને એકદમ નરમ બનાવી દો.
2. ત્યારબાદ તેમાં 1 ચમચી રવો, 1 ચમચી મેંદો અને 1 ચમચી ઓરેન્જ પાઉડર ઉમેરી હથેળીની મદદથી 5 મિનિટ સુધી બરાબર મસળી લો.
3. ત્યારબાદ તેમાંથી મીડિયમ ગોળી બનાવી લો.
4. ત્યારબાદ એક કડાઈમાં 3 કપ ઓરેન્જ જ્યૂસ ગરમ કરવા મૂકી તેમાં 1 ½ કપ ખાંડ ઉમેરી તેની ચાસણી લો.
5. ચાસણી બની જાય એટલે તેમાં ઇલાયચી ઉમેરી દો.
6. ત્યારબાદ તેમાં બનાવેલી ગોળી ઉમેરી દો.
7. ગેસની ધીમી આંચ રાખીને 10-15 મિનિટ સુધી ઢાંકી દો એટલે ગોળીની સાઇઝ ડબલ થઈ જશે એટલે એકદમ પોચી બની જશે.
8. પછી ચાસણી નિતારીને તૈયાર કમલભોગ સર્વ કરો.

કાજુ કમલભોગ:

1. સૌ પ્રથમ ઠંડા કાજુને ક્રશ કરી એકદમ પાઉડર જેવા દળી લેવા.
2. એક કડાઈમાં દૂધ ગરમ કરવા મૂકીને તેમાં ખાંડ નાખવી અને ખાંડને ઓગળવા દેવી.
3. હવે તે દૂધમાં કાજુનો પાઉડર, મિલ્ક પાઉડર અને ઘી ઉમેરીને તેને બરાબર હલાવતા રહેવું.
4. હવે તે કઠણ માવા જેવું બને ત્યારે ગેસ બંધ કરીને તેને એક સારા પ્લાસ્ટિકમાં લઈને તેને મસળવો.
5. હવે તેને ત્રણ ભાગમાં ડિવાઈડ કરો.
6. એક ભાગમાં ખાવાનો લાલ, બીજામાં પીળો અને ત્રીજામાં લીલો કલર મિક્સ કરવો.
7. હવે લાલ કલરમાથી એકસરખા નાના ગોળા બનાવો.
8. તે ગોળા ઉપર પીળા કલરનું લેયર લગાવો અને તેના પર લીલા કલરનું લેયર લગાડી દેવું.
9. હવે તે પૂરા ગોળા ઉપર વરખ લગાડી દેવું અને ફોટોમાં બતાવ્યા મુજબ કમળની જેમ કટ કરવું.
10. તૈયાર છે કાજુ કમલભોગ.